|
Gza3aye Gazmşine Çayı çayı yado şuri konoçkidi Goğerdinez mteli kurumpi doçkidi Na nimçipanasen kala meçkidi Phanda m3iki vartasen gazmşine Çayi 3ili xepez froxti egole Kogasvi do ar kayabo var megolu Gomçfalepeşi kopape ekolu Muçituni na imtasen gazmşine
3anape çkuni xirxirite golulun Çku mobogamt geçarepe so ulun Çhuta çhuta koyoli gnosişe mulun Digurasen do yatasen gazmşine Gonoşine ivasen handğalepe Moyselasen cumalepe do dalepe Gomçfalepeşi gextaşi kfalepe Mjora çkuni goyçxantasen gazmşine Fahri Kahraman
|
Şiirler 
